Damien Inglis hegaleko pibota Surne Bilbao Basketen jokalari berri bihurtu da. Guyana Frantsesean jaiotako jokalariak Monako taldearen elastikoa defendatu zuen aurreko sasoian, eta berarekin Eurocupen txapelduna izan zen. 21/22 sasoian, Inglisek 6,5 puntu eta 4 errebote egin zituen, batez beste, Frantziako PRO A txapeletan; nolanahi ere, txapelketa horretan izandako batezbesteko onenak 20/21 sasoikoak dira, orduan 11 puntu, 4,5 errebote eta 3 asistentzia egin baitzituen partida bakoitzeko, Strasbourgen elastikoa defendatuz.

Damien Inglis 2014ko Drafteko 31. postuan aukeratu zuen Milwaukee Bucksek. Minnesotako taldearekin 20 partida jokatu zituen 15/16 sasoian. Halaber, minutuak izan zituen Garapen Ligan, Westchester Knicksein bereziki nabarmenduz, talde horrekin 13,1 puntu, 7 errebote eta 3 asistentzia lortu baitzituen partida bakoitzeko

““Damien Inglis hegaleko pibot bat da, gaztea izan arren esperientzia handia duena. Azken lau sasoietan, BCLn edo Eurocupen lehiatzen ziren taldetan jokatu du, eta aurreko sasoian azken txapelketa hori irabazi zuen Monakorekin.

Eraso-eremuan fisikoa eta intentsitatea ekarriko dizkigun jokalari bat da. Gainera, badu talentua paserako eta 1×1 jokorako, bai aurrez aurre eta bai bizkarrez. Espero dugu errebotean ere laguntzea.”

Kirol Zuzendaritzaren iritzia