Ludde Håkanson joko-antolatzaile suediarrak bere bigarren sasoia bizi du MIB bezala, taldera 20/21 sasoian iritsi ondoren.

FC Barcelonaren harrobiko jokalaria izanik, Hakansonek 17 urte zituela debutatu zuen lehen taldean, ACBn, 14/15 sasoian. Kanpaina horretan, ligako 8 partida eta Euroligako 6 partida jokatu zituen bartzelonarrekin.

15/16 sasoian, jokalaria Baloncesto Sevillara joan zen lagata, eta bertan 17 partida jokatu zituen Luis Casimirok entrenatzen zuen talde andaluziarrarekin, batezbesteko bikainak lortuz: 10,9 puntu, 3,2 asistentzia eta 2,3 errebote, funtsezko laguntza emanez mailari eusteko. Joko-antolatzaile hau Sevillan egon zenean, Ondrej Balvin eta Tomeu Rigorekin batera aritu zen. Kanpaina bikain hark postu bat ema zion Hakansoni txapelketako Gazte-boskote Onenean.

ACBn izandako hurrengo bi esperientziak Montakit Fuenlabrada (16/17) eta Movistar Estudiantes (17/19) izan ziren.

“Ludde Hakanson bere gaztetasuna gorabehera esperientzia luzea metatu duen joko-antolatzaile bat da. ACBn jokatu du jadanik, eta Polonian jokatutako azken sasoian VTBn nabarmendu da, hots, oso txapelketa indartsu batean. Saskiratzeko erraztasuna duen jokalari bat da, batez ere 3ko marratik. Gainera, ondo irakurtzen ditu Pick&Roll egoerak, bai jaurtitzeko eta bai asistentziak emateko. Anbizioa du, eta espero dut talde gisa ditugun helburuak lortzen laguntzea.”

Rafa Pueyo, kirol-zuzendariaren iritzia