Kontserba-enpresak babesa zabaldu dio U22 Ligako Euskaltax Bilbao Basket taldeari eta klubaren emakumezkoen taldeei
Bilbao Basketek eta Conservas Cusumanok babes-akordioa berritu dute 2026-27 denboraldirako; horren bidez, enpresak Surne Bilbao babesten jarraituko du. Ahalegina, konstantzia eta lurraldearekiko lotura bezalako balio partekatuetan oinarritzen den aliantza honek, tradizioari eutsiz, proiektuaren barruko bazkide estrategiko zaharren eta egonkorrenetako gisa finkatzen du enpresa.
Babesa BBLaben kokatzen da, hau da, Bilbao Basketek bere klub-eredua egituratzen duen ardatzean. Programa bat baino gehiago, BBLabek erakundeak saskibaloia ulertzeko modua definitzen du: jokalarien garapen integrala, prestakuntza, osasuna, aniztasuna eta konpromiso soziala bere egunerokoaren parte dira. Conservas Cusumanok bat egiten du ikuspegi horrekin, eta arreta berezia jartzen du bere jarduerarekin estuki lotuta dauden esparruetan, hala nola elikadura osasuntsuan eta ingurumen-iraunkortasunean.
Babes hori denboraldi honetan klubeko bi proiekturen ekipamenduan islatuko da. Alde batetik, U22 Ligan lehiatzen den Euskaltax Bilbao Basketek joko-praken aurrealdean erakutsiko du marka; bestetik, emakumezkoen taldeek beroketako gainekoaren mahukan eramango dute.