Atzo egin zen Bilbao Arenan Tomeu Rigo MIBeko kapitainaren agurreko prentsaurrekoa. Momentu hunkigarriak bizi izan ziren 6 denboraldirako Bilbao Basketeko jokalaria izan denaren agurrean, eta taldeko kapitaina izan dena azken bi denboraldietan. Prentsaaurrekoan Rigo Isabel Iturbez, Bilbao Basketeko Presidentea, eta Rafa Pueyoz, Kirol-zuzendaria, egon da inguratuta. Ekitaldian kazetari asko egon ziren, taldeko kideak eta Bilbao Basketeko hainbat jokalari.
“Dakizuenez, niretzat ohorea izan da kolore hauek defendatu ahal izatea. Prentsaurreko hau ez da nahikoa izango hainbeste urtetan lagundu didazuen guztioi nire esker ona adierazteko”, Rigo esker oneko agertu zen. “Momentu gogorrak izan ditugu, beste batzuk politak, eta ondo pasatu dugu ere. Jokalari baten bizitza etapak dira. Hemen sei urtez egoteko sortea izan dut, pixka bat arraroa dela gaur egun, baina lehenago edo beranduago agur esateko eguna iritsiko zen.
“Eskerrik asko Tomeu, eta eskerrik asko klubaren izenean”, Isabel Iturbek hitz egiteko txanda hasi zuen. “Bizi izan dugun unerik politenetako baten zati garrantzitsua izan zinen, nire ustez, ACB Ligako bigarren igoera. Badakigu Mallorcan jaio zinela, baina Bilbokoak nahi dugun tokian jaiotzen gara. Asko gustatzen zaigun atzapar hori duzula erakutsi duzu. Jakin ezazu gure klubaren historiaren parte zarela, eta hau zure etxea dela”, esan zuen Iturbek.
Iturbe ostean, Rafa Pueyoren txanda zen. “Atzo 20 urte bete ziren ACB Ligara igo ginenetik, baina egun batzuk barru bost urte beteko dira bigarren igoera lortu genuenetik, eta horretan zegoen Tomeu. Jokalari garratzitsu bat izan zen denboraldi hartan. 5 urte geroago, ACBn finkatuta utzi gintuen, osasuntsu ikusteko eta saskibaloian jokatzeko gogoz eta irrikaz ikusteko ilusioarekin. Eskerrak eman nahi dizkiot Tomeuri, ez bakarrik egindako lanagatik, ahaleginagatik eta entregagatik. Hori guztia ziurtzat hartzen da, baina, era berean, eskerrak eman nahi dizkizut guztiontzat izan den gainditzearen adibideagatik”, Kirol zuzendaria zuzenean Tomeura zihoan.
Prentsaurrekoaren amaieran Bilbao Basketek opari bat eman zion Tomeuri, eta taldekide guztiek besarkada bat eman zioten.