Bilbo, 2026ko apirilaren 24a
LA SALVEk, Bilboko garagardoak, eta Surne Bilbaok, PAOK Thessalonikiren aurkako final europarra arrazoi, edizio berezi bat aurkeztu dute batera. Finala Bilbon erabakiko da datorren astean jokatuko den itzulerako norgehiagokan.
Edizio mugatu hau, taldeak zein hiriak biziko duten une historiko baten omenez jaio da, La Salvek Bilbo eta Bilboko kirol, kultura eta gizarte erreferenteekin duen lotura indartuz. Botilak irudi ikonikoa eta estetika berezia eta emozionala izango du, zaletuak konektatuz eta taldearen izaera lehiakorra irudikatuz.
Ekimenak kirolaren, hiriaren eta tokiko markaren arteko batasuna irudikatzen du eta mugarri horren inguruko sentimendu kolektiboa nabarmentzen du.
Isabel Iturbe, Bilbao Basketeko presidenteak nabarmendu du: “Une paregabean gaude, bai klubarentzat, bai Bilborentzat ere. LA SALVE bezalako marka baten babesa izateak —hiriari eta haren nortasunari estu lotutakoa— kide izatearen sentimendua eta bizi dugun harrotasun kolektiboa sendotzen du, jarraian jokatuko dugun bigarren final honekin”.
Eduardo Saiz Lekue, LA SALVEko bazkide sortzaileak, berriz, hau adierazi du: “LA SALVEn argi daukagu Bilbokoa izatea hiriko une garrantzitsuetan egotea esan nahi duela. Final hau horietako bat da. Horregatik, edizio berezi bat plazaratu nahi izan dugu, zaletuei laguntzeko eta Bilbao Basketentzat mugarri historiko den honen ikur bihurtzeko”.
Edizio berezia ostalaritzan eta puntu hautatuetan egongo da eskuragarri itzulerako partidaren aurreko egunetan. Helburua irismena maximizatzea eta kontsumitzaileei tokiko kirol-egutegiko une garrantzitsuenetako batean laguntzea da.
Ekimen hau LA SALVEren marka eraikitzeko estrategiaren barruan kokatzen da, “Bilbokoa izan” kontzeptuan oinarrituta. Estrategia horrek bilbotarrekin lotura emozionala sendotu nahi du, hiriko mugarri handiei lotutako ekintzen bidez. Zentzu horretan, markak Bilboko gizarte eta kultura-bizitzan funtsezko eragile gisa finkatzen jarraitzen du, gaur egun, taldeko bigarren marka da Bilbo Handiko ostalaritzako bolumenari eta errotazioari dagokienez, eta etengabe hazten ari da bezero-kopuruan zein kontsumoan.
LA SALVEri buruz
LA SALVE, Bilboko garagardoa, 1886an sortu zuen José Schumann y Cordések bere izena daraman itsasadarraren bihurgunean, Schumann garagardogile alemaniar baten semea zen. 1910etik aurrera, Pérez-Yarza familiaren esku egon zen, hiriko elikadura eta ostalaritza sektorean erreferente zena.
Inaktibitate aldi baten ondoren, marka 2014an birsortu zen Jon Ruiz Ibinarriaga eta Eduardo Saiz Lekueren eskutik, 70eko hamarkadan desagertutako tokiko garagardo-industria berreskuratzeko asmoz. Konpainiaren akziodunen artean Mahou San Miguel dago, eta harreman hori funtsezkoa izan da Bilboko fabrika berriz irekitzeko.
Proiektuaren ardatz estrategikoa Bilboko garagardo gisa finkatzea da, hiriaren aberastasunari eta bizitzari modu aktiboan lagunduz, betiere hurbilekoarekiko konpromiso sendo batetik abiatuta.
Eragin ekonomiko eta soziala
AZTI teknologia zentroak “Bere jardueraren eragin ekonomiko eta soziala, iraganean eta orain” azterlana egin du LA SALVErentzat. Input-output metodologia erabiliz, LA SALVEren jarduerak Euskadiko ekonomian dituen ondorio zuzen, zeharkako eta induzituak kuantifikatu ditu.
Ikerketaren arabera, 2018 eta 2025 artean, LA SALVEk 100 milioi eurotik gorako hazkundea eragin du jarduera ekonomikoan. Estimatzen denez, 2025ean soilik, konpainiaren jarduerak 30 milioi eurotik gorako ekarpena egin zion jarduera osoari, 10 milioi eurotik gorako balio erantsia sortu zuen, ehun lanpostu baino gehiagori eutsi zien eta 4 milioi eurotik gorako zerga-ekarpena egin zuen, hurbileko
hornitzaileetan eta osagaietan oinarritutako ereduari esker.
Gainera, azterketak lehen sektorean izandako eragina nabarmentzen du (eragin ekonomikoaren erdia baino gehiago eta sustatutako enpleguaren % 77 inguru), eta efektu biderkatzailea berresten du: konpainiaren jarduerako euro bakoitzak jarduera osagarria, balio erantsia eta diru-sarrera publikoak sortzen ditu ekonomia osoan.